суббота, 27 сентября 2014 г.

ԿԱՆԱԿԱՅԻ ԵՐԱԺՇՏԱԿԱՆ ՀՆՉՅՈՒՆՆԵՐԸ ԼՍՎԵՑԻՆ ԱՐԳԱՎԱՆԴ ՀԱՄԱՅՆՔՈՒՄ

Սեպտեմբերի 26-ին պաշտոնապես բացվեց Արգավանդի՝ ամբողջությամբ վերանորոգված, արդեն Արսեն Սայանի անունը կրող երաժշտական դպրոցը:

Ավելի քան 6 ամիս տեւած վերանորոգման աշխատանքներից հետո, որ ՀՕՖ-ն իրականացրել է հանրահռչակ հայ երաժշտագետ, մանկավարժ, հասարակական գործիչ Արսեն Սայանի նվիրատվությամբ, Արգավանդի երաժշտական դպրոցն աշակերտներին ողջունեց միանգամայն նոր ու հարմարավետ շենքում: Վերանորոգման ու կահավորման ծախսերը կազմել են 105 հազար դոլար:

Արգավանդի երաժշտական դպրոցը երրորդն է՝ ի թիվս Օշականի Երաժշտական դպրոցի եւ Գյումրու թիվ 6 երաժշտական դպրոցի, որ ՀՕՖ-ը վերանորոգել է վերջին տարիներին:

Շինարարական աշխատանքները իրականավրել է ՀՕՖԻ բարեկամ-գործընկեր <<ԿԱՆԱԿԱՆ>>ԲԲԸ նախագահ Հայկ Հովիվյանի գլխավորությամբ ,որոնց աշխատանքը իր ձևով ,որակաով,ճաշակով տարբերվում է:

Դպրոցի բացմանը ներկա էին պետական այրեր, անվանի կոմպոզիտորներ, մշակութային և հասարակական գործիչներ, ինչպես նաև այլ պատվավոր հյուրեր: Բացման արարողությանը հայ մշակույթի զարգացման գործում ունեցած ավանդի համար Մշակութի նախարարությունը մաեստրո Սայանին պարգեւատրեց Գրիգոր Նարեկացի մեդալով:

«Այսօր կյանքիս երջանկագույն օրերից մեկն է,- ասաց Արսեն Սայանը ողջունելով դպրոցի հյուրերին: - Ես այսօր Ձեզ հետ միասին վերապրում եմ իմ 60 տարիների գործունեության պտուղը»:

60 տարի շարունակ Արսեն Սայանը իր գործունեությունը նվիրել է երգչախմբային արվեստի զարգացմանը՝ հիմնելով ու ղեկավարելով Սփուռքում և հայրենիքում հայտնի «Շողակ», «Քնար» և «Անի» երգչախմբերը: ԱՄՆ-ում 25 տարի շարունակ երաժշտական-մշակութային ծրագրերի խմբագիր է աշխատել «Ամերիկայի ձայն» ռադիոկայանի հայկական բաժնում՝ յուրահատուկ կամուրջ դառնալով Սփյուռքի հայկական համայնքների համախմբման գործում ու նպաստելով հայ ազգային ոգու պահպանմանը:

ֆոտոշարքը Լ.Յոլչյանին 26.09.2014

FortunaTV Lori

06 10 14 Մոլորակ լրատվականի թողարկում

https://www.youtube.com/watch?v=TNZHMvvgSWE

воскресенье, 22 сентября 2013 г.

Գյումրիում բացվեց երաժշտական դպրոց

Հայաստանի անկախության տոնի նախօրեին Գյումրու կրթօջախների թիվն ավելացավ ևս մեկով. վերաբացվեց հայտնի` Ազատ Շիշյանի անվան «Օկտետ» թիվ 6 երաժշտական դպրոցը: Բացման հանդիսավոր արարողությանը ներկա է գտնվել ՀՀ նախագահ Սերժ Սարգսյանը, Շիրակի մարզպետը, Գյումրիի քաղաքապետը, մշակույթի նախարար Հասմիկ Պողոսյանը, մի շարք բարձրաստիճան պաշտոնյաններ և Deep Purple խմբի մենակատար Իեն Գիլանը: Ի դեպ, հենց վերջինիս աջակցությունը դպրոցի կայացմանը մեծ է եղել: Դպրոցին երաժշտական գործիքներ են նվիրել Իեն Գիլանն ու «Millbank music» երաժշտական գործիքների խանութի սեփականատեր Թիմ Իրվինգը:

25 տարի տնակային պայմաններում գործելուց հետո Գյումրիի երաժշտական դպրոցը նորակառույց շենք է տեղափոխվում: Գեղեցիկ ու համարավետ այս պայմաններն ստեղծելու համար միջոցներ հայթայթելն սկսվել է դեռ 3 տարի առաջ, երբ մեդիամաքս գործակալության նախաձեռնությամբ, «Deep Purple» խմբի վոկալիստ Իեն Գիլանը, Black Sabath-ի կիթառահար Թոնի Այոմին, Asia խմբի ստեղնահար Ջեֆ Դաունսն ու Ջոն Դին այցելեցին այս կրթօջախ: Գյումրեցի երեխաների կատարումները գրավել էին հյուրերի ուշադրությունը: Եվ, տեսնելով տնակային վատ պայմանները, հայտարարել էին, որ կօգնեն դպրոցի վերակառուցմանը: Ռոք երաժիշտները ալբոմ թողարկեցին, հանդես եկան բարեգործական համերգներով և 3տարվա ընթացքում հանգանակեցին 110.000դոլար: 10միլիոն դրամ էլ կառավարությունն իր պահուստային ֆոնդից հատկացրեց, իսկ ՀՕՖ-ի բարերարներ, ամերիկահայ Էդվարդ և Ժանետ Մարդիգյանները եռապատկեցին գումարը, այն հասցնելով 450.000 դոլարի

Հատված դիմավորում են հյուրերին

Աշխարհահռչակ ռոք երաժիշտ Իեն Գիլանին գյումրեցիները մեծ ոգևորությամբ դիմավորեցին: Նրան տեսնելու և շնորհակալություն հայտնելու համար այստեղ էին նաև գյումրեցի ռոք երաժիշտները, դպրոցի սաների ծնողները: Կարմիր ժապաենը կտրելու պատիվը ռոք երաժշտինն էր:

Նորաբաց դպրոցն օրհնեցին Շիրակի թեմի առաջնորդ Միքայել եպիսկոպոս Աջապահյանն ու ԱՄՆ Արևելյան թեմի առաջնորդ Խաժակ արքեպիսկոպոս Պարսամյանը:

Երկհարկանի դպրոցի շենքն ունի մեծ և լուսավոր դահլիճ, 16 դասասենյակ: Շինարարությունն իրականցրել է «Կանակա» ԲԲԸ-ը ՝ ղեկավար Հայկ Հովիվյանի: Դեռ կառուցման ընթացքում կրթօջախը համալրվել է նաև երաժշտական գործիքներով: Անգամ այնպիսի գործիքներ են ստացել, որոնց մասնագետները չունեն: Այստեղ տեղափոխել են միայն դաշնամուրները: Շուտով դրանք էլ կփոխարինվեն նորերով:

Հեղ. Վիկտորյա Կարապետյան
ՇՈՂԱԿԱԹ ՀԸ

Ձայնագիր 21.09.2013